ფოთის მერიამ 6 მობილურ ტელეფონში 4 684 ლარი გადაიხადა
ფოთის მერიამ 6 მობილური ტელეფონი შეიძინა და ჯამში 4 684 ლარი გადაიხადა. ექვსი მობილურიდან ხუთი - Sony Xperia-ის ფირმის, ერთი კი - Samsung Galaxy S4 mini-ია:
Sony Xperia Z1 (C6903) - 870 ლარი
Sony Xperia Z1 (C6903) - 870 ლარი
Sony Xperia Z1 compact (D5503) – 815 ლარი
Sony Xperia Z1 (C6902) - 815 ლარი
Sony Xperia Z1 (C6902) - 815 ლარი
Samsung 19192 Galaxy S4 mini - 499 ლარი
Sony Xperia Z1-ის ფირმის ტელეფონები ფოთის მერის მოადგილეს ნიკოლოზ გრიგოლიას, მერიის ადმინისტრაციული სამსახურის უფროსს ზვიად შუბითიძეს, საკრებულოს წევრს, "ეროვნული ფორუმის" წარმომადგენელ პაატა ჩაგანავას და "ნაციონალური მოძრაობის" წევრ გიორგი შამუგიას გადაეცა. ერთ-ერთი მობილური ტელეფონით საკრებულოს თავმჯდომარის ყოფილი მოადგილე ზურაბ ფაჩულია სარგებლობდა, რომელმაც თანამდებობის დატოვების შემდეგ ის საკრებულოს აპარატს გადასცა. Samsung Galaxy-ით ფოთის მშენებლობის სამსახურის უფროსი ზურაბ ყურუა სარგებლობს.
მერის მოადგილე ნიკა გრიგოლია ამბობს, რომ ტელეფონის ფუნქციებიდან, ძირითადად, მეილების გაგზავნის ფუნქციას იყენებს და "საჭიროების შემთხვევაში ფოტოებსაც იღებს".
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
