ახალციხე-თბილისის მიკროავტობუსის მძღოლს, რომლის ავარიასაც აგარა-გომის მონაკვეთზე დედა-შვილებისა და კიდევ ერთი ადამიანის სიცოცხლე ემსხვერპლა, განაჩენი გამოუტანეს. ზაურ გავაშელიშვილს გორის რაიონული სასამართლოს მოსამართლემ შალვა კაკაურიძემ თავისუფლების აღკვეთა 6 წლით მიუსაჯა. ასევე ჩამოერთვა მანქანის მართვის უფლება.
როგორც უზენაესი სასამართლოს პრესსამსახურის ხელმძღვანელი ქეთი ტყეშელაშვილი ამბობს, მსჯავრდებული სასჯელს ციხეში ოთხი წელი მოიხდის, ორი წელი კი პირობითი მსჯავრი ექნება.