ავტომობილი, რომლის შეძენაც თერჯოლის გამგეობას 30 000 ლარი დაუჯდა, სტიქიამ წყლით დაფარა

ოთხდღიანმა გადაუღებელმა წვიმებმა თერჯოლის მუნიციპალიტეტს პრობლემები შეუქმნა. გამგებლის, თემურ ჯაფარიძის თქმით, მოულოდნელად მოვარდნილმა წყლის ნაკადმა ის ავტომობილიც დაფარა წყლით, რომლითაც გადაადგილდება.

"საშინელ დღეში ვართ. გუშინ ისევ გადაუღებლად წვიმდა. დატბორილია სახლები, სახნავ-სათესი მიწები და გზები. ეს კი არა, ჩემი ავტომობილიც წყლით დაიფარა, იმედია გადავარჩენთ", - აცხადებს ჯაფარიძე.

შეგახსენებთ, რომ თერჯოლის გამგეობამ მუნიციპალიტეტის გამგებლისთვის 30 000-ლარიანი ავტომობილი სახელმწიფო ნომრით, "TE 041 RJ" შეიძინა.

წყარო: topnews.com.ge

topnews.com.ge