მსოფლიო ჩემპიონი ხელისუფლებას: ერთხელ მაინც შემოიხედეთ დარბაზში, ნახეთ რა პირობებში ვვარჯიშობთ!

მსოფლიო ჩემპიონი ხელისუფლებას: ერთხელ მაინც შემოიხედეთ დარბაზში, ნახეთ რა პირობებში ვვარჯიშობთ!

ფოთელი მსოფლიო ჩემპიონი ძალისმიერ სამჭიდში ირაკლი ჭანტურია, რომელიც დეკემბრის თვეში ევროპის ჩემპიონატისთვის ემზადება, Facebook-ის პირად გვერდზე სპორტული დარბაზის ფოტოს აქვეყნებს. სპორტსმენი ფოტოს შემდეგ მინაწერსაც ურთავს:

"ყოველი წვიმის დროს ასეთი მდგომარეობაა ჩვენს დარბაზში და ასეთ პირობებში გვიწევს მზადება შეჯიბრებისთვის, მინდა მივმართო იმ ადამიანებს ვისაც გეხებათ, ერთხელ მაინც შემოიხედეთ დარბაზში და ნახეთ რა პირობებში ვვარჯიშობთ და რა მდგომარეობაში გვიწევს მზადება ევროპის და მსოფლიო ჩემპიონატისთვის, საიდანაც არაერთხელ გვისახელებია საქართველო და ჩვენი ქალაქი ფოთი!", - წერს სოციალურ ქსელში ჭანტურია.

მსოფლიო ჩემპიონი ფოთში, 9 აპრილის ქუჩაზე მდებარე სპორტულ დარბაზში ვარჯიშობს. მასთან ერთად შენობაში 60-მდე სპორტსმენი ვარჯიშობს, რომელთა შორის არიან მსოფლიოს, ევროპის და საქართველოს ჩემპიონები. შენობა ავარიულია, ჩამოშლილია კედლები და სახურავი, წვიმა შენობაში აღწევს და დარბაზში წყლის გუბეები დგას. შენობაში არ არის გათბობა და ვარჯიშისთვის საჭირო სხვა ელემენტარული პირობები.

იხილეთ ვრცლად

livepress.ge

იმერეთის გუბერნატორის ხელფასი გაორმაგდა

ორი ობლისა და ორი ბებიას შემზარავი გასაჭირი გურიაში

ფოთისა და ყულევის სანაპიროზე საშტორმო მდგომარეობა გამოცხადდა