"პირი, რომელსაც გამოძიება კაცის ცემას ედავება, თურქეთში ქუთაისის სახედ იყო წარდგენილი"

"პირი, რომელსაც გამოძიება კაცის ცემას ედავება, თურქეთში ქუთაისის სახედ იყო წარდგენილი"

ქუთაისში "ნაციონალური მოძრაობის" საკრებულოს წევრების მტკიცებით, ქალაქის საკრებულოს უფლებაშეჩერებულ თავმჯდომარეს კვლავ ემსახურება მძღოლი, გადაადგილდება თავმჯდომარის ავტომობილით და ერიცხება ხელფასი. ამირან ძოწენიძის თქმით, დათო დვალი რამდენიმე დღის წინ, ოფიციალური ვიზიტით თურქეთში იმყოფებოდა.

"დათო დვალს ფორმალურად აქვს შეჩერებული საკრებულოს თავმჯდომარის უფლებამოსილება, თორემ ის ყველა იმ რესურსს იყენებს, რომელიც საკრებულოს თავმჯდომარეს ეკუთვნის. რამდენიმე დღის წინ, ის თურქეთშიც იმყოფებოდა ოფიციალური ვიზიტით. სირცხვილია, პირი, რომელსაც გამოძიება კაცის ცემას ედავება, თურქეთში ქუთაისის სახედ იყო წარდგენილი", - აცხადებს ძოწენიძე.

ქუთაისის საკრებულოს თავმჯდომარის მოვალეობის შემსრულებლის ნიკოლოზ ლატარიას თქმით, დვალს შეჩერებული აქვს ხელფასი, თუმცა მას, როგორც რიგით დეპუტატს, უფლება აქვს, ამომრჩეველთან საკრებულოს ავტომობილით მივიდეს.

წყარო: topnews.com.ge

topnews.com.ge

იმერეთის გუბერნატორის ხელფასი გაორმაგდა

ორი ობლისა და ორი ბებიას შემზარავი გასაჭირი გურიაში

ფოთისა და ყულევის სანაპიროზე საშტორმო მდგომარეობა გამოცხადდა