2016 წლის ყველაზე მოთხოვნადი პროფესიები

2016 წლის ყველაზე მოთხოვნადი პროფესიები

"ბიზნეს ინსაიდერი“ 2016 წლის ყველაზე მოთხოვნად სამუშაო ადგილებს ასახელებს. გამოცემამ შესაბამისი რეიტინგი CareerBuilder-ისა და Economic Modeling Specialists Intl.-ის მონაცემებზე დაყრდნობით შეადგინა და ამისთვის მოთხოვნის, მიწოდებისა და ანაზღაურების შესახებ სტატისტიკური ინფორმაცია გამოიყენა. CareerBuilder-ის აღმასრულებელი დირექტორის, მეტ ფერგიუსონის ცნობით, ყველაზე მოთხოვნადი სამუშაო ადგილები ძირითადად ტექნოლოგიებისა და ჯანდაცვის სფეროს უკავშირდება. ასევე დასაქმების მსურველთათვის პოპულარულია მარკეტინგის, გაყიდვებისა და ტრანსპორტის სფეროებიც.

ყველაზე მოთხოვნად სამუშაო ადგილებს შორის "ბიზნეს ინსაიდერი“ კომპიუტერული სისტემების მენეჯერს ასახელებს, რომლის საათობრივი ანაზღაურება ყველაზე მაღალი - 61,37 დოლარია. 2010-დან 2015 წლამდე აღნიშნული პოზიციის რაოდენობა აშშ-ის მასშტაბით 42 942-ით გაიზარდა.

რეიტინგში მეორე ადგილს მარკეტინგის მენეჯერი იკავებს, რომლის საშუალო საათობრივი ანაზღაურება 61,12 დოლარს შეადგენს. ბოლო ხუთი წლის განმავლობაში კი ამ პოზიციის რაოდენობა აშშ-ში 23 692-ით გაიზარდა. მესამე ადგილას გავიდა ფარმაცევტი. 2010-დან 2015 წლამდე ფარმაცევტის პოზიციის რაოდენობამ 14 591-ით იმატა. აშშ-ში აღნიშნული პროფესიის მქონე ადამიანის საშუალო თვიური ხელფასი 58,15 დოლარს შეადგენს.

"ბიზნეს ინსაიდერის“ მიერ შედგენილ რეიტინგში, ყველაზე მოთხოვნად სამუშაო პოზიციებს შორის ფინანსური მენეჯერი, ადამიანური რესურსების მართვის მენეჯერი, გაყიდვების მენეჯერი, ე.წ ვებდეველოპერი, ინფორმაციული უსაფრთხოების ანალიტიკოსი, თერაპევტი და ინჟინერიც მოხვდა.

იხილეთ გალერეა

8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური  პროგნოზი

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

მიუსაფარი ქალი ინტერნეტვარსკვლავად იქცა - მეტროში გადაღებულ ვიდეოს მილიონზე მეტი ნახვა აქვს