"თამარ გერგედავას მერიისთვის სოციალურად დაუცველის სტატუსით არ მიუმართავს" - პროკურორის შვილის მეგობრები განცხადებას ავრცელებენ

"თამარ გერგედავას მერიისთვის სოციალურად დაუცველის სტატუსით არ მიუმართავს" - პროკურორის შვილის მეგობრები განცხადებას ავრცელებენ

სოციალურ ქსელში ვრცელდება პროკურორ ლეონიდ გერგედავას შვილის, თამარ გერგედავას მიერ მერიისთვის გაგზავნილი განცხადება, საიდანაც ირკვევა, მას ნარმანიას უწყებისთვის როგორც სოციალურად დაუცველს არ მიუმართავს.

"...მე და ჩემი ოჯახი სამწუხაროდ ვერ ვახერხებთ ხარჯების სრულად დაფარვას. შესაბამისად, მოგმართავთ თხოვნი, გამოყოთ ფინანსური დახმარება 2000 ევროს ოდენობით" - ეს არის ნაწყვეტი თამარ გერგედავას განცხადებიდან.

"ფეისბუქზე" ასევე თამარ გერგედავას მეგობრების წერილი გავრცელდა, სადაც ნათქვამია, რომ პროკურორის შვილს მამის გავლენა არასოდეს გამოუყენებია. ისინი მოუწოდებენ საზოგადოებას ნუ დაეყრდობიან გადაუმოწმებელ ინფორმაციას.

"მოკლედ, გადავწყვიტე დავარღვიო დუმილი. ბოლო დღეები ჩუმად ვარ, ვაკვირდები პოლიტიკურ კინკლაობას და გადავწყვიტე უფრო მეტი ნათელი მომეფინა ამ საქმისათვის და ადამიანებს, მოაზროვნე სამოქალაქო საზოგადოებას მოვუწოდო რომ გადაუმოწმებელ ინფორმაციაზე დაყრდნობით ადამიანისათვის ცილისწამება,შეურაწყოფა და ცინიზმი სულ მინიმუმ არ შეიძლება. თაკო (თამარ) გერგედავა არის ჩემი მეგობარი. ყველამ, ჩემმა მეგობრებმა და არამხოლოდ ძალიან კარგად იცით ეს ფაქტი. ასევე ძალიან კარგად იცით ჩემი დამოკიდებულება ობიექტურობასთან მიმართებაში.შესაბამისად, ვეცდები ობიექტურად ვისაუბრო თაკოს გარშემო დატრიალებულ მოვლენებზე. თაკო ჩემი მეგობარია, უკვე 6 წელია. უნივერსიტეტის პირველივე კურსიდან ვმეგობრობთ. არის უნიჭიერესი ადამიანი,ძალიან შრომისმიყვარე და შეიძლება ითქვას თუ რამე ვიცი ჩვენს პროფესიაში არის მისი დამსახურება, რადგან ერთად ვმეცადინეობდით და სისტემატიურად მეხმარებოდა. თაკოს არასდროს უტრაბახია მამამისის თანამდებობით. ძალიან არ უყვარდა ამ თემით მანიპულირება, მეც ძალიან გვიან გავიგე რომ მამამისი ასეთ თანამდებობაზე იყო. უფრო მეტიც, ისეთ დროს არ გამოუყენებია მამის თანამდებობა როცა უნდა გამოეყენებინა, როცა უსამართლობები ხდებოდა ჩვენს გარშემო. მოკლედ, ბევრი რომ არ ვილაპარაკო და მთავარზე რომ გადავიდეთ, დავამთავრეთ უნი, თაკომ ერთ წლიანი სისტემატიური მომზადება დაიწყო ფრანგულში,ამასობაში გამოცხადდა ვაკანსიები მერიაში და თაკომ გადაწყვიტა ბედი ეცადა და თუ გაუმართლებდა ერთი წელი სამუშაო გამოცდილება მიეღო.ორი კვირა თავაუღებლად იმეცადინა ის კანონები, გავიდა ტესტირებაზე და ჩააბარა წარმატებით... დაინიშნა სამსახურში.... მოგვივიდა პასუხი სორბონადან რომ თაკო ჩაირიცხა ფრანგულენოვან კურსებზე. როგორც მოგეხსენებათ, და თუ არ მოგეხსენებათ გეტყვით, რომ სორბონაში სწავლა ღირს "მხოლოდ" 500 ევრო. პარიზი არის ერთ-ერთი ყველაზე ძვირი ქალაქი,ძალიან ძვირია ცხოვრება, საცხოვრებლის დაქირავება მინ 600 ევრო ღირს, საკვები, წიგნები (მინინუმ 30-40 ევრო ერთი წიგნი). ამ დღეებში დავიწყეთ მცირე დაფინანსების მოძიება რომ მის ოჯახს ცოტათი მხარში ამოვდგომოდით, "პროკურორის შვილობა" არ ნიშნავს ყოვლისშემძლეობას. დამემოწმება ჩემი არაერთი ფბ მეგობარი, რომელთაც ვთხოვდი დახმარებას ფონდების მოძიებაში. ვიყავით არაერთ ფონდში, მაგრამ სამწუხაროდ უიმედოდ. ზოგან ვადა იყო გასული, ზოგან საფრანგეთს არ აფინანსებდნენ და ა.შ. შემდეგ, თაკომ გაიგო სამსახურში რომ შეეძლო მიემართა მათთვის და იფიქრებდნენ დახმარებაზე. პირადად მე ვეხმარებოდი ამ განცხადების დაწერაში და ძალიან დიდი დრო დავხარჯე რომ ეს განცხადება კომპიუტერიდან აღმედგინა.წაიკითხეთ ძალიან კარგად და გამოიტანეთ აზრი, რას ითხოვს თაკო, სად წერს რომ ის არის სოციალურად დაუცველი? ძალიან მარტივია იმის გააზრება რომ არსებობენ ისეთი ადამიანები, რომლებიც დამოუკიდებლად ცდილობენ საკუთარი თავის დაფინანსების მოძიებას, რომლებიც ცდილობენ ოჯახს ტვირთი შეუმსუბუქონ, დაეხმარონ მათ ვინც მასზე ზრუნავს და ყველაფერს აკეთებს მის კეთილდღეობისათვის. სამწუხაროდ ბევრს უჭირს ამის გააზრება. ეს ბრძანება არ ჩაბარებია თაკოს. მე არ მაინტერესებს პირადად ვისი პრობლემა იყო ამ ბრძანების დაწერა. ვინ ვის რა დაავალა და ხელი ვინ მოაწერა. ფაქტია რომ ზარალდება ერთი ათასი პროცენტით კეთილსინდისიერი ადამიანი, რომელიც იმის მაგივრად, რომ იჯდეს და მეცადინეობდეს, ახლა უზომოდ ნერვიულობს ამ ფაქტზე, ამ ცილისწამებაზე. სამწუხაროდ, ადამიანებს უჭირთ იმის გააზრება რომ არსებობენ წარმატებული ადამიანები, რომლებიც მუშაობენ საკუთარ თავებზე და ბევრს მეცადინეობენ, რომ განვითარდნენ და რომ ასეთ ადამიანებსაც სჭირდებათ დახმარება და ხელის გამართვა. სამწუხაროდ, მიწევს ამის თქმა, ქართველი საზოგადოების ნაწილს, ზიზღის ფრქვევის მეტი საქმე არ აქვს. იმედი მაქვს ის ობიექტური ჟურნალისტები ამ განცხადებასაც ისე აიტაცებენ, როგორც ის ბრძანება აიტაცეს. ჩამოაშორეთ თაკოს სახელი პოლიტიკის სიბინძურეებს. არსებობენ წარმატებული ადამიანები! ვტვირთავ განცხადებას!", - წერია პოსტში.

ასევე იხილეთ: ნარმანიამ პროკურორის შვილს პარიზში ცხოვრება დაუფინანსა - რა დოკუმენტი მოიპოვა ნიკა მელიამ

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია