მეცნიერების ახალი კვლევა - საპონმა შეიძლება სიმსივნე გამოიწვიოს?

ტრიკლოზანი არის მიკრობსაწინააღმდეგო ქიმიკატი, რომელიც თითქმის ყველა საპონში გვხვდება და არა მხოლოდ საპონში, არამედ ჭურჭლის სარეცხ საშუალებებშიც. მეცნიერებმა დაადგინეს, რომ ტრიკლოზანი სერიოზულ ზიანს აყენებს ადამიანის ღვიძლს და შეუძლია სიმსივნის გამოწვევა.

ამ დასკვნამდე კალიფორნიის უნივერსიტეტის მკვლევარები მივიდნენ, რომლებიც ტრიკლოზანს სწავლობდნენ. შედეგები იმდენად მნიშვნელოვანი აღმოჩნდა, რომ ის 17 ნოემბერს ამერიკის ნაციონალურ მეცნიერებათა აკადემიის შეკრებაზეც კი განიხილეს.

კვლევა თაგვებზე ექვსი თვის განმავლობაში მიმდინარეობდა. მღრღნელებს აძლევდნენ ტრიკლოზანს, ზოგს დიდი რაოდენობით, ზოგს - მცირე. თაგვებს, რომლებიც მაქსიმალურ დოზას იღებდნენ, ღვიძლთან დაკავშირებული პრობლემები უჩნდებოდათ. მათი სიმსივნეც გაცილებით დიდი იყო.

ტრიკლოზანი ხელს უშლის ცხიმების გამომუშავებას, რაც ხელს უწყობს დეტოქსიკაციას. სიტუაციის სტაბილიზაციისთვის ღვიძლის უჯრედები აქტიურად იყოფიან, რის გამოც ვითარდება ფიბროზული ქსოვილი და შემდეგ სიმსივნე.