გამოკითხულთა 31%-ის აზრით, საპარლამენტო არჩევნებში "ქართული ოცნება" გაიმარჯვებს, 11%-ის აზრით - "ნაციონალური მოძრაობა"
"ეროვნულ-დემოკრატიული ინსტიტუტის" (NDI) კვლევის თანახმად, კითხვაზე ხვალ რომ საპარლამენტო არჩევნები იყოს, რომელი პარტია გაიმარჯვებდა, გამოკითხულთა 31% აცხადებს, რომ "ქართული ოცნება", ხოლო 11% - "ნაციონალურ მოძრაობას" ასახელებს.
კითხვაზე პასუხი არ იცის 43%-მა, 5% აცხადებს, რომ - არცერთი პარტია, 4% მიიჩნევს, რომ "თავისუფალი დემოკრატები" გაიმარჯვებდა, პასუხად სხვას აცხადებს გამოკითხულთა 5%, აღნიშნულ პასუხში კი მოიაზრებიან პარტიები: "პატრიოტთა ალიანსი", "ბურჯანაძე - გაერთიანებული ოპოზიცია", "თავისუფალი საქართველო", "ლეიბორისტული პარტია", "გირჩი", "საქართველოს გზა" და "ახალი მემარჯვენეები".
საქართველოს მასშტაბით კვლევის საველე სამუშაოები 23 თებერვლიდან 14 მარტამდე პერიოდში ჩატარდა. გამოკითხვაში მონაწილეობა 3 900-მა პირმა პირისპირ ინტერვიუს წარმომადგელობითი შერჩევის საფუძველზე მიიღო. საზოგადოების განწყობის 2016 წლის მარტის კვლევა NDI-ის დაკვეთით CRRC-მ ჩაატარა.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
