გორის "დილას" შეძენა ისრაელის მოქალაქეებს სურთ

გორის მერი ზურაბ ჯირკველიშვილი ებრაელ სპონსორებთან, საფეხბურთო კლუბ "დილას" შეძენასთან დაკავშირებით, მოლაპარაკებებს აწარმოებს. ამის შესახებ ქალაქის მერმა შიდა ქართლის საინფორმაციო ცენტრთან საუბარში განაცხადა.

ზურაბ ჯირკველიშვილი თვლის, რომ სპონსორების გამოჩენა სახელმწიფოს მხრიდან გამოჩენილ ყურადღებას უკავშირდება. კერძოდ, მისი აზრით, მას შემდეგ, რაც კლუბებისთვის მთავრობამ გარკვეული რაოდენობის თანხის გამოყოფა დააპირა, სპონსორებიც მაშინ გამოჩნდა.