როგორია 7-ვარსკვლავიანი სასტუმრო "ბილთმორის" ინტერიერი, რომელიც თბილისში გრანდიოზულად გაიხსნა

31 ივლისს თბილისში, უმაღლესი კლასის სასტუმრო The Biltmore Hotel Tbilisi გრანდიოზულად გაიხსნა.

სასტუმროს მშენებლობაში 140-მილიონი დოლარის ინვესტიცია ჩაიდო. "ბილთმორი" ლუქს-კლასის სასტუმროების ბრენდია, რომელმაც საქართველოში Millennium & Copthorne-ის პირველი წარმომადგენლობა გახსნა. "ბილთმორ თბილისს" 216 მაღალი კლასის ნომერი აქვს.

"ბილთმორ თბილისის" გახსნის საზეიმო ცერემონიაში მონაწილეობა საქართველოს პრემიერ-მინისტრმა გიორგი კვირიკაშვილმა, მთავრობის წევრებმა, ასევე არაბთა გაერთიანებული საემიროების კულტურის, ახალგაზრდობისა და სოციალური განვითარების მინისტრმა შეიხ ნაჰიან ბინ მუბარაკ ალ ნაჰიანთმა და სხვა საპატიო სტუმრებმა მიიღეს.

იხილეთ გახსნის შოუს შთამბეჭდავი კადრები

უმაღლესი კლასის სასტუმროს გახსნასთან დაკავშირებით, გალა კონცერტი გაიმართა ქართველი და უცხოელი შემსრულებლების მონაწილეობით, ასევე სასტუმროს ფასადზე პროექცირებული იყო 3D შოუ.

ღონისძიება გრანდიოზული ფოიერვერკით დასრულდა.