მიხეილ სააკაშვილმა "ბიძინა ივანიშვილს" ოდესაში მწვადებით უმასპინძლა

საქართველოს ყოფილი პრეზიდენტი და ოდესის გუბერნატორი მიხეილ სააკაშვილი "ფეისბუქის" ოფიციალურ გვერდზე ქართველ იუმორისტებთან (ქართლოს ნატროშვილი და ნიკა კაკაბაძე) ერთად გადაღებულ ფოტოებს აქვეყნებს. ნატროშვილი და კაკაბაძე იუმორისტულ შოუში მიხეილ სააკაშვილსა და ექს-პრემიერ ბიძინა ივანიშვილს განასახიერებენ.

"ორი, მთავარი პოლიტიკური ბანაკის ლიდერი საქართველოდან, ჩემთან ეზოში დავპატიჟე და მოლაპარაკებები გავამართინე. ინტენსიური კამათის შემდეგ კი, მაგრად დაბრაწული მწვადებისა და კარგი ღვინის თანხლებით ყველაფერზე მოვილაპარაკეთ", - წერს სააკაშვილი.