სოფელ აკურაში საცხოვრებელი სახლი დაიწვა

თელავის რაიონის სოფელ აკურაში, საცხოვრებელ სახლს ცეცლი გაუჩნდა. სოფელში გამგებლის წარმომადგენლის ინფორმაციით, სახლის მეპატრონემ, 29 წლის ახალგაზრდამ, რომელიც მარტო ცხოვრობს, ხანძრის გაჩენის შესახებ გვიან გაიგო, რის გამოც ცეცხლი ორივე სართულზე გავრცელდა.

"სახლის პატრონს პირველ სართულზე სძინებია, ცეცხლი მეორე სართულზე გაჩნდა. როცა უკვე კარგად მოედო ალი სახლს მაშინ გაღვიძებია, სახანძრო ბრიგადები მოვიდა, მაგრამ სახლი მთლიანად დაიწვა. მეპატრონეს არაფერი დაშავებია, კარგად არის", - განაცხადა გამგებლის წარმომადგენელმა სოფელ აკურაში ოთარ ხატიაშვილმა.

იხილეთ ვრცლად

კახეთის საინფორმაციო ცენტრი