ვინ ესწრებოდა ჟურნალისტების გარდა ივანიშვილის შეხვედრას ზუგდიდში?
ზუგდიდში, კომბინატის კულტურის სახლ "ოდიშში" საქართველოს ყოფილ პრემიერ-მინისტრთან შეხვედრას ჟურნალისტების გარდა საზოგადოების სხვა წევრებიც ესწრებოდნენ. მათ შორის იყვნენ პედაგოგები, სამედიცინო სფეროს წარმომადგენლები, საზოგადოება "ზუგდიდელის" წევრები, დადიანების მუზეუმის თანამშრომლები და სხვები.
მე-3 სკოლის პედაგოგის ქეთი ურეკაძის თქმით, მათ ივანიშვილს სკოლის სახელით, კოლეგის შვილის დახმარების თხოვნით მიმართეს. "ბავშვის მკურნალობას ძალიან დიდი თანხა სჭირდება. შუამდგომლობა ვთხოვეთ სოლიდარობის ფონდთან, გვითხრა, გავითვალისწინებო", - განუცხადა "ათინათს" ქეთი ურეკაძემ.
"ჩემთვის ბიძინა ივანიშვილი არის მეცენატი კაცი, რომელიც თავისი საკუთრებიდან ქვეყანაში აბანდებს ფულს და ამას აკეთებს ყოველგვარი პროცენტების გარეშე, მევახშე არ არის, ის არის საქართველოსთვის თავდადებული კაცი", - განაცხადა საზოგადოება "ზუგდიდელის" თავმჯდომარემ მურმან ნაჭყებიამ.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
