"შევარდნაძის დროს მიშას აფეთქბასაც გვთავაზობდნენ ან მის მოტაცებას" - რას ვარაუდობს ვახტანგ რჩეულიშვილი თარგამაძის მანქანის აფეთქებაზე

ვახტანგ რჩეულიშვილი "ფეისბუქის" პირად გვერდზე გივი თარგამაძის ავტომობილის აფეთქებას ეხმაურება და წარსულ გამოცდილებას იხსენებს:

"გივი თარგამაძე ააფეთქეს. ცხადია ქოცები იტყვიან, რომ თავი თავად აიფეთქაო.... კორცხელიც ნაცების ბრალი იყოო... პოლიტიკაში ვერაფერს გამორიცხავ მართლაც, მახსოვს ტერაქტის შემდეგ შევარდნაძეზეც ამას ამბობდნენ, მაგრამ რა ვქნათ, რომ მეც შევარდნაძის აფეთქებულ მანქანაში ვიჯექი და ძლივს გადავრჩი? ამიტომაც მაინც გივის თანაუგრძნობ (თუმცა არასოდეს მომწონდა მისი პოლიტიკა) და მართალი გითხრათ, არც მისი აფეთქბა მიკვირს. დარწმუნებით რაც შემიძლია ვთქვა, ისაა, რომ კვირიკაშვილის ნაირი ადამიანები ამაში მონაწილეობას არასოდეს მიიღებენ, მაგრამ ყოფილი სუკის ფსიქოლოგიის მატარებლები კი პირად ინიციატივასაც დიდი სიამოვნებით გამოიჩენდნენ! შევარდნაძის დროს მიშას აფეთქბასაც გვთავაზობდნენ ან მის მოტაცებას. ცხადია, არც შევარდნაძე და არც მე ამ ანკესს არ წამოვეგეთ. მაგრამ ქოცები ხომ წამოეგენ სატყუარას, რომ მაიას და გუკას დაპატიმრებით არჩევნებს მოიგებენ? სინამდვილე უფრო მწარე აღმოჩნდა - ვიღაცას "ცენტრ-პოინტის "ქონების მითვისება უნდოდა (როგორც ადრე ნაცებს) და როგორც კი მაია დაიჭირეს, უცებ რამოდენიმე მილიონიანი თელავის ინტურისტი გაგყვიყიდეს... თუ ზედმეტად ეჭვიანი ვარ და განაწყენებული კაცის პოზიციიდან ვმსჯელობ მომიტევეთ, მეც მესმის, რომ ობიექტური ვერ ვიქნები შეფასებისას. მაგრამ მაინც დანაშაულის მსხვერპლის მხარდაჭერა ყოველთის მართალი საქმეა, თავდასხმის მოტივების მიუხედავად.

***

ვინ, რატომ და რისთვის ძნელი სათქმელია, მაგრამ საკუთარ თავზე მოგახსენებთ: ასაფეთქებელი რომ მქონოდა მაიას და გუკას დაჭერის პირველ დღეებში პროკურატურაში ავიფეთქებდი თავს შახიდივით და უდანაშაულო ადამიანებზე ამ დროს არ ვფიქრობდი... პირველად გავიგე მაშინ ტერორისტების ფსიქოლოგია და მამოძრავებელი მოტივები..... მეგობრებმა და მოძღვარმა დამაწყნარეს, თუმცა მამაოსაც კი ვეჩხუბე და დღესაც ვინანიებ ამას... გამოსავალი ძალადობაში ნამდვილად არაა, ვინაიდან ცხოვრება გრძელდება და უფალი დიდია. აი, სად გჭირდება ადამიანს რწმენა - როდესაც ლოგიკა აღარ მუშაობს და ემოციების დასაოკებლად უზენაესი მსაჯულის ავტორიტეტია საჭირო....".

იხილეთ ასევე: პირველი კადრები ადგილიდან, სადაც გივი თარგამაძის ავტომანქანა აფეთქდა