"ხო არ მიკბენსო?" - განათლების მინისტრი სვეტიცხოვლობას უჩვეულო ფეისბუქ-პოსტით გვილოცავს

დღეს სვეტიცხოვლობაა. საქართველოს მართლმადიდებელი ეკლესია "კვართისა საუფლოჲსა და სვეტისა ღმრთივბრწყინვალისა და მირონმდინარისას" დღესასწაულს აღნიშნავს.

განათლების მინისტრი ალექსანდრე ჯეჯელავა უჩვეულო ფეისბუქ-პოსტით ულოცავს ინტერნეტ-აუდიტორიას დღესასწაულს:

"ჩემმა მეგობრებმა შვილებს უთხრეს, დღეს მცხეთაში მივდივართო.

3 წლის გოგომ იკითხა, მცხეთაში რა გვინდაო. მამამ უთხრა, სვეტიცხოველი უნდა ვნახოთო. ერთი 10 წუთი ჩუმად იყო. მერე იკითხა: "ხო არ მიკბენსო?"

გილოცავთ სვეტიცხოვლობას! მისი მადლი შეგეწიოთ თქვენ, თქვენ შვილებს და შვილიშვილებს!" - ვკითხულობთ ჯეჯელავას "ფეისბუქის" ოფიციალურ გვერდზე.