რა წესები უნდა დაიცვათ შინიდან გასვლისას უსაფრთხოების მიზნით - საყურადღებო რჩევები

წყალი, ელექტროენერგია, ბუნებრივი აირი - ამ სამი რამის გარეშე ნებისმიერი ჩვენგანის ცხოვრება გაცილებით რთული იქნებოდა. თუმცა, მათთან განსაკუთრებული სიფრთხილეა საჭირო. განსაკუთრებით ზამთრის პერიოდში, როდესაც გაზსა და ელექტროენერგიას ყველაზე მეტად მოვიხმართ. გაუთვალისწინებელი შემთხვევებიც უმეტესად ამ სეზონზე ხდება.

გთავაზობთ რამდენიმე ხერს, რომელიც ბევრ უსიამოვნებას აგარიდებთ თავიდან:

1. წყალი: აუცილებლად შეამოწმეთ, რომ ონკანი იყოს დაკეტილი. სასურველია, თუ მთავარი ჩამკეტიდან გადაკეტავთ, რადგან სიცივის გამო შეიძლება სისტემა გაიყინოს და მილი გახეთქოს. იმისათვის, რომ სისტემა არ გაგვეყინოს, სასურველია ცხელი წყალი მოვუშვათ რამდენიმე წუთით, რათა დაკეტვის შემდეგ სისტემაში ცხელი წყალი დარჩეს. ასეთ შემთხვევაშ ბევრ უსიამოვნებას ავიცილებთ თავიდან.

2. ელექტროენერგია: ამ შემთხვევაში უფრო მეტი ყურადღების გამოჩენა გვმართებს. კარგი იქნება ელექტროენერგია გაითიშოს მთავარი ჩამრთველიდან, რადგან მაღალი დენის მოსვლის შემთხვევაში, შესაძლოა მოხდეს მოკლე ჩართვა. ასეთ დროს ცეცხლი ძირითადად მაცივრებს უჩნდებათ. ასევე, ნებისმიერი ტექნიკა, რომელიც დენის ჩამრთველში გაქვთ შეერთებული, შესაძლოა "გადაიწვას". ამიტომ თუ ძვირფასი ტექნიკა გაქვთ და არ გინდათ

დაგიზიანდეთ, სახლიდან გასვლისას ელექტროენერგია ან ჩამრთველიდან გათიშეთ ან - მთავარი კვების ბლოკიდან.

2. გაზი: ყველაზე საშიში რამ, რაც არსებობისთვის გვჭირდება, თუმცა მასთან მიმართებაში უფრო ყურადღებით უნდა ვიყოთ.

რატომ არის აუცილებელი გაზის მთავარი ჩამრთველიდან გათიშვა სახლიდან გასვლისას?

1. თუ გაზის გამათბობლით სარგებლობთ, სახლიდან გასვლისას აუცილებლად უნდა გათიშოთ, რადგან გაზის გაწყვეტის და მოსვლის შემთხვევაში, გაზმა შეიძლება გაჟონოს, რაც ინტოქსიკაციას, ასევე აალებას იწვევს.

2. როგორც ვიცით, გაზის არასრულად წვის დროს გამოიყოფა CO (ნახშირორჟანგი), რომელიც ჩვენი ორგანიზმისთვის საზიანოა. გამოყოფილი CO-თი შესაძლოა ინტოქსიკაცია მივიღოთ.

3. თუ მაინც გადაწყვეტთ, რომ სახლიდან გასვლის შემდეგ, გამათბობელი ჩართული დატოვოთ, დაბრუნების შემდეგ ცოტა ხნით გააღეთ ფანჯრები იმისთვის, რომ სახლში ჟანგბადი შემოვიდეს და დაგროვილმა CO-მ ორგანიზმი არ მოგვიწამლოს.

ბექა მეშველაშვილი

Ambebi.ge