გენიოსები და ცნობილი ადამიანები, რომლებიც უმძიმესი დაავადებებით იტანჯებოდნენ

გენიოსები და ცნობილი ადამიანები, რომლებიც უმძიმესი დაავადებებით იტანჯებოდნენ

ზოგჯერ ხდება, რომ შეზღუდული შესაძლებლობების ადამიანები, გონებრივი თუ მენტალური განვითარების თვალსაზრისით, შეუზღუდავ შესაძლებლობებს ფლობენ. თანდაყოლილი თუ შეძენილი სხვადასხვა დაავადების მიუხედავად, ეს ადამიანები ისტორიაში გენიოსების სახელით შევიდნენ. არის შემთხვევები, როდესაც მათი გენიალურობა სწორედ დაავადებამ განაპირობა.

მსოფლიოს წამყვანი პიანისტები, რომლებიც სხვადასხვა კომპოზიტორის მუსიკალურ ნაწარმოებებს ასრულებენ, ერთხმად აღიარებენ, რომ რუსი კომპოზიტორის, სერგეი რახმანინოვის კომპოზიციები შესასრულებლად ყველაზე რთულია. რახმანინოვი, რომელმაც სიცოცხლის ნახევარი აშშ-ში ემიგრაციაში გაატარა, გასული საუკუნის ერთ-ერთ საუკეთესო კომპოზიტორად მიიჩნევა.

უჩვეულოდ გრძელი თითების წყალობით, ორი ხელით რახმანინოვი პიანინოს 26 კლავიშს ფარავდა. ფაქტობრივად, მხოლოდ თითების მოძრაობით მტევნების გადაადგილების გარეშე, ჩვეულებრივი პიანისტისთვის რახმანინოვის კომპოზიციის გამეორება შეუძლებელია.

რახმანინოვის ეს უჩვეულო შესაძლებლობა იშვიათმა გენეტიკურმა დაავადებამ - მორფანის სინდრომმა განაპირობა. დაავადება, რომელიც სათავეს ძველ ეგვიპტეში იღებს (დასასტურებულია, რომ მორფანის სინდრომი ფარაონ ტუტანჰამონსაც ჰქონდა) ადამიანის ძვლოვან სისტემას აზიანებს. ამ სინდრომით დაავადებული ადამიანები უჩვეულოდ მაღლები და გამხდრები არიან. მათ გრძელი კიდურები და წაგრძელებული თითები აქვთ. ეს უკურნებელი სენია. მკურნალობა, ორგანიზმზე დაავადების  ზემოქმედების ზიანს მხოლოდ დროებით ამცირებს. მორფანის სინდრომით აშშ-ის პრეზიდენტი აბრაჰამ ლინკილნიც იყო დაავადებული.

ალბერტ აინშტაინსა და უოლტ დისნეის ბავშვობაში კოგნიტიურ განვითარებასთან ჰქონდათ პრობლემები. მისი არსი გარემოს აღთქმის, მეხსიერების განვითარების, აზრის ჩამოყალიბების, წარმოდგენასა და ლოგიკის შეფერხებულ განვითარებაში მდგომარეობს. აინშტაინმა საუბარი მხოლოდ 3 წლის ასაკში დაიწყო, სკოლაში კი მათემატიკის სწავლა უჭირდა.

აშშ-ის 32-ე პრეზიდენტი ფრანკლინ დელანო რუზველტი პოლიომელიტით იყო დაავადებული. თუმცა ამას მისი პოლიტიკური კარიერისთვის ხელი არ შეუშლია. რუზველტი ჯერ ნიუ-იორიკის გუბერნატორი, შემდეგ კი ქვეყნის პრეზიდენტი გახდა. ამავდროულად, ის პირველი და ერთადერთი ამერიკელია, რომელსაც პრეზიდენტის სავარძელი ზედიზედ 4-ჯერ ეკავა.

"ვენის კლასიკური სკოლის" უკანასკნელმა წარმომადგენელმა ლუდვიგ ვან ბეთხოვენმა სმენის დაკარგვა 27 წლის ასაკში დაიწყო. მკურნალობის მიუხედავად, სმენის დაქვეითება შეუქცევად პროცესად იქცა. უკურნებელი დაავადების მიუხედავად, ბეთხოვენი აქტიურ მუშაობას ეწეოდა. 1801 წელს ცნობილი "მთვარის სონატის" დაწერის მომენტისთვის, ბეთხოვენს პრაქტიკულად აღარაფერი ესმოდა.

სმენის პრობლემები ჰქონდა ცნობილ ესპანელ მხტარვარ ფრანსისკო გოიასაც, რომელიც 46 წლის ასაკში დაყრუვდა.

ამერიკელი ჯონ ფორბს ნეში გასული საუკუნის ერთ-ერთ საუკეთესო მათემატიკოსად მიიჩნევა. თამაშების თეორიის და დიფერენციული გეომეტრისიის სფეროში მას ათასობით ნაშრომი აქვს გამოქვეყნებული. 26 წლის ასაკში ამერიკის და მთლიანი მსოფლიოს ამომავალ ვარსკვლავს მათემატიკაში შიზოფრენიის დიაგნოზი დაუსვეს და იძულებითი მკურნალობა დაუნიშნეს. მეგობრების დახმარებით და მკურნალობის წყალობით, ნეშმა საყოველთაო აღიარება მოიპოვა. 1994 წელს ის ეკონომიკის დარგში ნობელის პრემიის ლაურეატი გახდა. 2015 წელს ნეში, ადამიანი რომელიც წარსულში მწვავე შიზოფრენიით იტანჯებოდა, მათემატიკის სფეროში უმაღლესი ჯილდოს - აბელის პრემიის მფლობელი გახდა.

მოამზადა ნუკრი მგელაძემ

AMBEBI.GE

8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური  პროგნოზი

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

მიუსაფარი ქალი ინტერნეტვარსკვლავად იქცა - მეტროში გადაღებულ ვიდეოს მილიონზე მეტი ნახვა აქვს