დაგავიწყდათ "ფეისბუქის" პაროლი? - მის აღდგენას უკვე ახალი ტექნოლოგიით შეძლებთ

"ფეისბუქის" მომხმარებლები დავიწყებული პაროლის აღდგენას მალე საკუთარი სახის იდენტიფიცირებით შეძლებენ. "ტელეგრაფის" ინფორმაციით, სოციალურმა ქსელმა ახალი ტექნოლოგია სატესტოდ უკვე ჩაუშვა.

აღნიშნულ ხერხს ანგარიშებიდან ბლოკის მოსახსნელად სხვა კომპანიებიც იყენებენ. მაგალითად, Apple მას ახალ iPhone X-ზე ბლოკის მოსახსნელად გამოიყენებს, ამავე ტექნოლოგიით ისარგებლებენ Samsung Note 8-ს მფლობელებიც.

"ფეისბუქს" უკვე აქვს თქვენი სახის მონაცემები, თქვენივე პროფილის მეშვეობით. ანგარიშის, ანდა პაროლის აღდგენისას კი ტელეფონი უნდა მიიტანოთ სახესთან, "ფეისბუქი" მოახდენს სკანირებას და შეადარებს თქვენს სახეს ფოტოებსა და ვიდეოებს, რომელზეც მონიშნული ხართ. მსგავსების დაფიქსირების შემთხვევაში, თქვენი ანგარიში გაიხსნება.