პრინცი ჰარი დაინიშნა - ბრიტანეთის სამეფო სასახლის მოულოდნელი განცხადება

პრინცი ჰარი ამერიკელ მეგობარ გოგონაზე, მსახიობ მეგან მარკლზე ქორწინდება, განცხადებას კლერენს ჰაუსი ავრცელებს.

მასში ნათქვამია, რომ პრინცი მეგანზე უკვე დაინიშნა, ქორწილი კი 2018 წლის გაზაფხულზე შედგება. უფრო დეტალური ინფორმაცია ქორწილის შესახებ მოგვიანებით გავრცელდება.

"მისი სამეფო უდიდებულესობა და მის მარკლი ლონდონში ნოემბერში დაინიშნენ. პრინცმა ჰარიმ ამის შესახებ მის უდიდებულესობა დედოფალსა და ოჯახის სხვა წევრებს აცნობა.

წყვილი კენსინგტონის სასახლეში იცხოვრებს," - აღნიშნულია განცხადებაში.

ამასთან, დღეს პრინცი და მარკლი ფოტოების გადასაღებად გამოჩნდებიან.

იხილეთ ვიდეო