პორნოს ხშირად ყურება ადამიანს რელიგიურს ხდის - კვლევის შედეგი

ვინც კვირაში ერთზე მეტჯერ უყურებს პორნოგრაფიას, მეტი შანსია, რელიგიური გახდეს, ამის შესახებ ახალ კვლევაშია ნათქვამი. მკვლევარები ვარაუდობენ, რომ დანაშაულის შეგრძნების კომპენსირებას პორნოს მოყვარულები ლოცვით ცდილობენ.

სემუელ პერიმ 1300 ამერიკელის მონაცემები შეისწავლა, 6 წლის მანძილზე, რომ დაედგინა, რა გავლენას ახდენდა პორნოგრაფია რწმენაზე.

„ვინც პორნოგრაფიას ხშირად უყურებს, მეტ დროს უთმობს ლოცვას და საეკლესიო მსახურებებს უფრო ხშირად ესწრება, ვიდრე ისინი, ვინც პორნოს იშვიათად უყურებენ,“ - ამბობს პერი The Independent-თან.

მანამდე ჩატარებულ კვლევებში კი შედეგი რადიკალურად განსხვავებული იყო - ძველი კვლევების თანახმად, რელიგიური ადამიანები პორნოგრაფიას ძალიან იშვიათად უყურებენ.