რამდენი ჯარისკაცი ჰყავს აშშ-ს იაპონიაში, ავღანეთში, გერმანიაში... - პენტაგონის მონაცემები

აშშ-ს თავდაცვის სამინისტრომ საზღვარგარეთ მომსახურე ამერიკელი სამხედროების რაოდენობა დაასახელა. შესაბამისი მონაცემები პენტაგონის მიერ გამოქვეყნებულ ინფოგრაფიკაშია მოყვანილი.

30 სექტემბრის მონაცემებით, ავღანეთში ამერიკელი სამხედროების რაოდენობამ 15 300, ერაყში - 8 900, სირიაში კი 1720 ადამიანი შეადგინა.

ავღანეთის კონტინგენტი ყველაზე მაღალრიცხოვანია იმ ქვეყნებს შორის, სადაც აქტიური საბრძოლო მოქმედებები მიმდინარეობს.

ყველაზე დიდი კონტინგენტი - თითქმის 45 ათასი ადამიანი - აშშ-ს იაპონიაში ჰყავს. შემდეგ მოდის გერმანია - 36 ათასი, სამხრეთ კორეა - თითქმის 25 ათასი ადამიანი.

სულ საზღვარგარეთ მომსახურე ამერიკელი სამხედროების რაოდენობა 257 300-ს შეადგენს.