რაზე ოცნებობს პრინცი საშობაოდ - მამას სანტა კლაუსთან მან წერილი გაატანა

რაზე ოცნებობს პრინცი საშობაოდ - მამას სანტა კლაუსთან მან წერილი გაატანა

პრინცმა უილიამმა ფინეთში ოფიციალური ვიზიტით ყოფნის დროს არა მხოლოდ პოლიტიკოსებსა და ოფიციალურ პირებთან, არამედ - სანტა კლაუსთანაც მოასწრო შეხვედრა. უილიამისთვის სანტას ნახვა ძალიან მნიშვნელოვანი იყო, რადგან შვილისგან, პრინც ჯორჯისგან წერილი ჰქონდა გადასაცემი.

როგორც აღმოჩნდა, სახლიდან გამგზავრებამდე უილიამს შვილმა მისცა წერილი, რათა მას სანტასთვის გადაეცა. მამამ, რა თქმა უნდა, ბავშვის სურვილი შეასრულა. ფოტოგრაფების წყალობით, რომლებმაც წერილი ახლო ხედით გადაიღეს, მედიამ გაარკვია, რომ ჯორჯს ერთადერთი სურვილი აქვს - საშობაოდ, სურს, პოლიციის მანქანა მიიღოს.

"ერთი სურვილი აქვს, რაც ძალიან კარგია," - აღნიშნა ხუმრობით უილიამმა.

წერილში, ასევე, ჯორჯი აღნიშნავს, რომ მთელი წლის მანძილზე კარგად იქცეოდა. ბავშვის ნათქვამი სანტა კლაუსთან მამამაც დაადასტურა.

მოკლედ, ჯორჯის საშობაო სურვილი აუცილებლად ასრულდება. თანაც, მისი წერილის შესახებ უკვე მთელმა მსოფლიომ იცის, ცნობილი ბრენდები კი საშობაოდ სამეფო ოჯახს მუდმივად უგზავნიან საჩუქრებს. სულ მცირე ერთი საჩუქარი კი, წელს, აუცილებლად იქნება პოლიციის მანქანა.

 

8 ოქტომბრიდან ახალი მთვარე სასიყვარულო ურთიერთობებს მაგიით აავსებს - ასტროლოგიური  პროგნოზი

კაცმა ყოფილი ცოლის საყვარელს ოჯახის დანგრევის გამო უჩივლა და 750 000 დოლარი მიიღო

მიუსაფარი ქალი ინტერნეტვარსკვლავად იქცა - მეტროში გადაღებულ ვიდეოს მილიონზე მეტი ნახვა აქვს