რადიკალურად შეცვლილი ნიკოლ კიდმანი - მსახიობის ცნობა შეუძლებელია

ნიკოლ კიდმანმა გადაწყვიტა, ექსპერიმენტი ჩაეტარებინა და მიეღო მონაწილეობა პროექტში, რომელიც მისი გარეგნობის რადიკალურად შეცვლას მოითხოვს.

არისტოკრატული ვიზუალით ცნობილი ავსტრალიელი მსახიობი ფილმში Destroyer გამომძიებელი ქალის როლს შეასრულებს.

პირველი გადაღებებისას გავრცელებულ ფოტოებზე მისი ცნობა სრულიად შეუძლებელია. მამაკაცური სტილის ჯინსი და ქურთუკი, უფორმო კოფთა, მუქი, მოკლე თმა და გრიმი მსახიობს სრულიად სხვა იერს აძლევს.

ამასთან, გრიმის საშუალებით ნიკოლს თვალების გარშემო მუქი წრეები გაუკეთეს, რამაც მსახიობს რამდენიმე წელი კიდევ შემატა.