"არ მეგონა "რუსთავი 2"-სთვის მხოლოდ იუმორისტულ ჭრილში რომ განვიხილებოდი"- ნინო ჩხეიძე ნიკა გვარამიას დაუპირისპირდა

"საქართველოს ფანოღის" გაგრძელება "რუსთავი 2"-ზე სახელად "მხოლოდ ქართული". იგივე იდეის განხორციელება უჩვენოდ მაგრა ტეხავს", - ამის შესახებ მომღერალი ნინო ჩხეიძე წერს "ფეისბუქის" პირად გვერდზე, სადაც არხის ხელმძღვანელობას მუსიკალური პროექტის ერთგვარ პლაგიატობაში ადანაშაულებს.

აღნიშნული პოსტი ყურადღების მიღმა არ დარჩენიათ ახალი მუსიკალური პროექტის "მხოლოდ ქართულის" ჟიურის წევრ სოფო ნიჟარაძესა და "რუსთავი 2"-ის გენერალურ დირექტორს ნიკა გვარამიას. ნიკა გვარამია კომენტარში წერს, რომ ნინო ჩხეიძე არასდროს განიხილებოდა "რუსთავი 2"-ზე არცერთი მუსიკალური კონკურსის ჟიურის წევრად და იქვე დასძენს, რომ "ფანოღი" იყო მხოლოდ გასართობი პროექტი - "კომედი არხზე". იხილეთ პოსტები