სავაჭრო ცენტრ "ქალაქის გულში" ხანძრს ამ დრომდე აქრობენ -  ტერიტორიაზე დაკვამლიანებაა

თევდორე მღვდლის ქუჩაზე სავაჭრო ცენტრ „ქალაქის გულში“ ხანძრის სალიკვიდაციო სამუშაოები ამ დრომდე მიმდინარეობს. მეხანძრე-მაშველები შენობის მესამე სართულზე ცეცხლის ცალკეულ კერებს აქრობენ. ტერიტორიაზე არის დაკვამლიანება და ადგილზე მობილიზებულია რამდენიმე ერთეული სახანძრო სამაშველო ჯგუფი. ტერიტორია გადაკეტილია საპატრულო პოლიციის მიერ და მეხანძრე-მაშველების გარდა იქ შესვლის საშუალება არავის ეძლევა. ადგილზე იმყოფებიან სავაჭრო ობიექტში მომუშავე პირებიც. მათი თქმით, ამ დრომდე არ ეძლევათ საკუთარ ობიექტებზე შესვლის და ტერიტორიის დათვალიერების საშუალება. მათ ვერსიებზე საუბარი უჭირთ.