კიევში, საქართველოს ყოფილი პრეზიდენტის მიხეილ სააკაშვილის მომხრეებთან შეხლა-შემოხლაში 14 სამართალდამცველი დაშავდა,- ამის შესახებ უკრაინის ეროვნული პოლიციის კიევის სამმართველოს პრესსამსახური იუწყება.
„ამჟამად დადგენილია, რომ პარლამენტთან მომხდარი მოვლენების შედეგად 14 პოლიციელი დაშავდა. მათ სხვადასხვა სიმძიმის დაზიანებები მიიღეს“, - ნათქვამია პოლიციის განცხადებაში.
გუშინ უკრაინის პარლამენტის შენობასთან სამართალდამცველებსა და სააკაშვილის პარტიის, „ახალი ძალების“ მოძრაობის მიერ ორგანიზებული „კარვების ქალაქის“ მომიტინგეებს შორის შეხლა-შემოხლა მოხდა.