აშშ-ს პრეზიდენტმა დონალდ ტრამპმა 2020 წლის საპრეზიდენტო არჩევნების სლოგანი გააჟღერა.
დონალდ ტრამპის განცხადებით, 2020 წლის საპრეზიდენტო არჩევნების კამპანიის დროს მისი სლოგანი იქნება „შევინარჩუნოთ ამერიკა დიადი“.
ამის შესახებ აშშ-ს პრეზიდენტმა პენსილვანიის შტატში თავის მხარდამჭერებთან სიტყვით გამოსვლისას განაცხადა. „ჩვენ არ შეგვიძლია გამოვიყენოთ სლოგანი „კვლავ გავხადოთ ამერიკა დიადი“, ვინაიდან მე ეს უკვე გავაკეთე. ამიტომაც ჩვენი ახალი სლოგანი, როდესაც საპრეზიდენტო კამპანიას ორ წელიწადში დავიწყებთ, იქნება „შევინარჩუნოთ ამერიკა დიადი“, - განაცხადა დონალდ ტრამპმა.
დონალდ ტრამპი დარწმუნებულია, რომ შემდეგ საპრეზიდენტო არჩევნებში მონაწილეობას მიიღებს.