"მცურავი ვენახი" ტაილანდში

თუ ტაილანდში, სამუტ საქსონის პროვინციაში მოხვდებით, აუცილებლად მოინახულეთ ე.წ. "მცურავი" ვენახები.

აქ ვენახები პატარა, მართკუთხა კუნძულებზეა გაშენებული, რომლებიც ერთმანეთისგან არხებითაა გამოყოფილი. ეს ადგილი ერთი შეხედვით ძალიან ჰგავს ვენეციას. ვენახის ერთი რიგიდან მეორეში გადასაადგილებლად წყლის გადაკვეთაა საჭირო.

ცნობილია რომ, სამუტ საქსონის ნიადაგი მდიდარი და ნაყოფიერია. ყოველ წელს, წვიმიან სეზონზე კუნძულებს გამაგრება სჭირდება, რათა ნიადაგი არ ჩამოიშალოს და ვაზი არ განადგურდეს.

რაც შეეხება მოსავლის აღებას. აქ ყურძენს, დილაადრიან ხელით კრეფენ. დაკრეფილი ყურძენი კი ღვინის ქარხნებში ნავებით მიაქვთ, რომლებიც ვენეციურ "გონდოლებს" ძალიან ჰგავს.

იხილეთ ფოტოები