ინტერნეტით ნარკოტიკების რეალიზაციის საქმეზე დაკავებული ნინო გეგელაშვილი დანაშაულს აღიარებს, გიორგი გოგებაშვილი - არა

ინტერნეტით ნარკოტიკების რეალიზაციის საქმეზე დაკავებული ნინო გეგელაშვილი დანაშაულს აღიარებს, გიორგი გოგებაშვილი - არა

ინტერნეტის საშუალებით ნარკოტიკების რეალიზაციის საქმეზე დაკავებული ნინო გეგელაშვილი დანაშაულს აღიარებს. როგორც "ინტერპრესნიუსისთვის" გახდა ცნობილი, მან გამოძიებას დეტალური ჩვენება უკვე მისცა. გეგელაშვილისთვის ბრალის ოფიციალურად წაყენება დღეს იგეგმება.

რაც შეეხება მეორე დაკავებულს, არსებული ინფორმაციით, ის დანაშაულის ჩადენას არ აღიარებს. არსებული ინფორმაციით, ნინო გეგელაშვილს ჩვენებაში განმარტებული აქვს, რომ ის მარტო მოქმედებდა და მასთან ერთად დაკავებულ გიორგი გოგებაშვილს ნარკოტიკების რეალიზაციასთან არავითარი კავშირი არ ჰქონდა.

თავის მხრივ, როგორც "ინტერპრესნიუსს" დაკავებულების ადვოკატმა მარიკა ფხალაძემ განუცხადა, გოგებაშვილს ჩხრეკისას არავითარი კანონსაწინააღმდეგო ნივთები არ აღმოაჩნდა. ადვოკატის თქმით, ბრალის ოფიციალურად წარდგენის შემდეგ გახდება ცნობილი, თუ რის საფუძველზე მიმდინარეობს მის წინააღმდეგ სისხლის სამართლებრივი დევნა.

შინაგან საქმეთა სამინისტროს ინფორმაციით, 1991 წელს დაბადებული ქალბატონი და 1994 წელს დაბადებული მამაკაცი, ინტერნეტის გამოყენებით ნარკოტიკული საშუალების გასაღების ბრალდებით, თბილისში დააკავეს.

სამართალდამცველებმა ჩატარებული საგამოძიებო მოქმედებების შედეგად, ის დანაშაულებრივი სქემა გამოავლინეს, რომლის მიხედვითაც, დაკავებულები ნარკოტიკული საშუალებების რეალიზებას ინტერნეტის გამოყენებით ახდენდნენ.

თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."

შსს-ს გაფრთხილება აქციის მონაწილეებს - უწყება განცხადებას ავრცელებს

"მთავარი არხის" ერთ-ერთი დამფუძნებელი გიორგი რურუა დააკავეს