პარლამენტთან პოლიციამ სამი პირი დააკავა, ფილარმონიასთან კი ხუთი - რა ხდება ამ წუთებში რუსთველის გამზირზე

პარლამენტის შენობასთან პოლიციამ აქციის სამი მონაწილე დააკავა. როგორც Ambebi.ge-ს შინაგან საქმეთა სამინისტროში განუცხადეს, სამივე პირი 166-ე და 178-ე მუხლებით, ადმინისტრაციული წესით არის დაკავებული.

რუსთაველის გამზირზე ამ წუთებში ხორავას ქუჩაზე მომხდარი მკვლელობის ობიექტური გამოძიების მოთხოვნით აქცია იმართება. ასევე მეორე აქცია მიმდინარეობს ფილარმონიის წინ, სადაც ცოტა ხნის წინ სამართალდამცველებმა 5 პირი დააკავეს, მათგან ერთი ქალია.

ხუთივე დაკავებული პოლიციამ ტერიტორიიდან იმ დროს გაიყვანა, როდესაც ისინი ჟურნალისტებთან კომენტარებს აკეთებდნენ. აქციის მონაწილეების ნაწილი ცდილობს, გზის სავალ ნაწილზე გადასვლას, რასაც პოლიცია ხელს უშლის.

ნახეთ ვიდეო