მირზა სუბელიანი შსს-შია - პროკურატურის ყოფილი მაღალჩინოსანი გამოძიების კითხვებს პასუხობს

შს სამინისტროში, პროკურატურის ყოფილი მაღალჩინოსანი მირზა სუბელიანი იმყოფება. სუბელიანი შს სამინისტროში მიმდინარე ხორავას ქუჩაზე მომხდარი მკვლელობის საქმეზე გამოძიების კითხვებს უკვე მეორედ პასუხობს. ამ ეტაპზე უცნობია თუ რა სახის ახალი კითხვები აქვს მასთან გამოძიებას. სუბელიანს შსს-ში შესვლამდე კომენტარი არ გაუკეთებია. პროკურატურის ყოფილი მაღალჩინოსანი სამინისტროში 1-ელ ივნისსაც იმყოფებოდა.

შეგახსენებთ, რომ ხორავას ქუჩაზე ორი მოზარდი 1-ელ დეკემბერს დაჭრეს. ლევან დადუნაშვილი საავადმყოფოში მიყვანამდე გარდაიცვალა, დავით სარალიძე კი ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს, საავადმყოფოში გარდაიცვალა.

ხორავას ქუჩაზე მოკლული არასრულწლოვანის, ლევან დადუნაშვილის განზრახ მკვლელობაში დამნაშავედ ცნობილ გ.ბ-ს სასამართლომ 10 წელი 6 თვე მიუსაჯა, ხოლო დამამძიმებელ გარემოებაში არასრულწლოვან დავით სარალიძის განზრახ მკვლელობის მცდელობაში ბრალდებულ გ.ჯ.-ს 9 წელი და 9 თვე მიესაჯა.