ცნობილმა ტელევარსკვლავმა თავი მოიკლა - ენტონი ბურდენი სასტუმროს ნომერში მეგობარმა იპოვა
ტელეკომპანია CNN-ის ცნობილმა წამყვანმა, შეფ-მზარეულმა ენტონი ბურდენმა თავი მოიკლა. ბურდენი 61 წლის იყო.
"ემის" მფლობელი ტელევარსკვლავის გარდაცვალების გამო CNN-ის ვებგვერდი ახლა შავია.
„თავგადასავლების, ახალი მეგობრების შეძენის, გემრიელი საკვების და სასმელის სიყვარულმა ის არაჩვეულებრივ მთხრობელად აქცია. ბურდენის ნიჭი მუდმივად გვაოცებდა და ძალიან დაგვაკლდება. ამ უმძიმეს წუთებში ჩვენი ფიქრები მისი ოჯახის წევრებთან არის,“ - აღნიშნულია „სიენენის“ განცხადებაში.
იხილეთ ვიდეო: ენტონი ბურდენის მოგზაურობა საქართველოში
თვითმკვლელობამდე ბურდენი საფრანგეთში იმყოფებოდა და გადაცემის Parts Unknown მორიგ ეპიზოდზე მუშაობდა.
გარდაცვლილი ტელეწამყვანი სასტუმროს ნომერში მისმა უახლოესმა მეგობარმა, ერიკ რიპერტმა იპოვა.
ბურდენი პოპულარული 2000-იან წლებში გახდა. მან დაწერა მემუარები, სადაც დეტალურად იყო მოთხრობილი ნარკოტიკულ საშუალებებზე მისი დამოკიდებულების შესახებ.
ბურდენი საქართველოს 2015 წელს სტუმრობდა, მან ქართული სამზარეულოს შესახებ მსოფლიოს უამბო.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
