ექსკურსიაზე მიმავალი მიკროავტობუსი გომბორზე, ხევში გადავარდა - დაღუპულია ორი მოზარდი

დღეს დილით ავარია მოხდა გომბორის უღელტეხილზე. თბილისიდან მიმავალი მიკროავტობუსი, რომელსაც ექსკურსიაზე ბავშვები გადაყავდა, ხევში გადავარდა.

შსს-ს ინფორმაციით, დაღუპულია ოთხი ადამიანი, მათგან ერთი არასრულწლოვანია, დანარჩენი სამი, სავარაუდოდ მშობლები და მოზარდების თანმხლები პირები არიან. დაშავებულია 10-მდე ადამიანი, რომლებიც თელავის რეფერალურ საავადმყოფოში გადაიყვანეს.

ადგილზე მიმდინარეობს სამაშველო ოპერაცია. მობილიზებულია სასწრაფო და სამაშველო ბრიგადები, ასევე საპატრულო პოლიცია. მომხდარზე სისხლის სამართლის საქმე 276-ე მუხლის მე-7 ნაწილით, დაიწყო, რაც სატრანსპორტო საშუალების ექსპლუატაციის წესების დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.

იხილეთ ვიდეო: მიკროავტობუსი, რომელსაც ბავშვები ექსკურსიაზე მიყავდა, გომბორზე ხევში გადავარდა - დაღუპულია 4 ადამაინი, მათ შორის 1 არასრულწლოვანი

ფოტო: ნათია წითელაური