გომბორზე ავარიის შედეგად, ორი მოზარდი და სავარაუდოდ 2 მშობელია დაღუპული
გომბორის უღელტეხილზე მომხდარი ავარიის შედეგად დაღუპულთა რიცხი გაიზარდა. შსს-ს ინფორმაციით, ოთხი დაღუპულიდან სავარაუდოდ, ორი მშობელია, ორი კი ბავშვი. დაშავებულია 10-მდე ადამიანი.
ადგილზე მიმდინარეობს სამაშველო ოპერაცია. მობილიზებულია სასწრაფო და სამაშველო ბრიგადები, ასევე საპატრულო პოლიცია.
მომხდარზე სისხლის სამართლის საქმე 276-ე მუხლის მე-7 ნაწილით, დაიწყო, რაც სატრანსპორტო საშუალების ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.შემთხვევის ადგილზე მიემართება „ინტერპრესნიუსის“ კორესპონდენტი და დამატებით ინფორმაციას უახლოეს ხანში მოგაწვდით.
ავარია გომბორზე დღეს დილით მოხდა - თბილისიდან მიმავალი მიკროავტობუსი, რომელსაც ექსკურსიაზე ბავშვები გადაყავდა, ხევში გადავარდა.
ინფორმაციის განახლება: დაღუპულების შესახებ ინფორმაცია დაზუსტდა. ავარიის შედეგად გარდაცვლილებს შორის, ოთხი დაღუპულიდან ერთი არის სკოლის მოსწავლე, დანარჩენი სამი, სავარაუდოდ მშობლები და ბავშვების თანმხლები პირები არიან.
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
