დააკავებენ თუ არა მირზა სუბელიანს? - შსს-ში 17:00 საათზე საგანგებო ბრიფინგი დაინიშნა

შინაგან საქმეთა სამინისტროში 17:00 საათზე ბრიფინგი გაიმართება. ბრიფინგი სავარაუდოდ პროკურატურის ყოფილი მაღალჩინოსნის, მირზა სუბელიანის საკითხს უკავშირდება.

პროკურატურის ყოფილი მაღალჩინოსანი მირზა სუბელიანი შსს-ში გამოკითხვაზე დღეს უკვე მესამედ დაიბარეს.

სუბელიანი შსს-ს შენობაში უკვე რამდენიმე საათია იმყოფება. მას ჟურნალისტებთან კომენტარი არც ამჯერად გაუკეთებია, თუმცა თქვა, რომ გამოძიებასთან თანამშრომლობს და სწორედ ამიტომ გამოცხადდა შსს-ში. შსს-ში მოგვიანებით სუბელიანის ადვოკატიც მივიდა.