"ვიზეარის“ მგზავრი: "გამოგვიცხადეს, რომ იმავე თვითმფრინავით გვიშვებენ, რომელსაც პრობლემა შეექმნა"

"ვიზეარის“ მგზავრი: "გამოგვიცხადეს, რომ იმავე თვითმფრინავით გვიშვებენ, რომელსაც პრობლემა შეექმნა"

ქუთაისიდან დორტმუნდში კომპანია “ვიზეარის“ ავიარეისით მიმავალი ერთ-ერთი მგზავრის ინფორმაციით, მათ გამოუცხადეს, რომ იმ თვითმფრინავით უნდა გაფრინდნენ, რომელსაც ტექნიკური პრობლემები ჰქონდა.

როგორც მგზავრმა AMBEBI.GE-ს განუცხადა, ზოგიერთი მგზავრი თანახმაა იმავე თვითმფრინავით გაფრინდეს, თუმცა ნაწილს გარისკვის ეშინია.

“რეისი დილის 06:10 საათზე უნდა შესრულებულიყო. თვითმფრინავი გავიდა ბილიკზე, დაიძრა, აიღო სიჩქარე, მგონი ჰაერშიც აიწია და უცებ მკვეთრად დავარდა ძირს. დაიწყო პანიკა მგზავრებში, გამოვიდნენ გამცილებლები და გვითხრეს, რომ ტექნიკური შეფერხება იყო და სავარაუდოდ, მალე მოგვარდებოდა. თუმცა, მალევე გვითხრეს, რომ მოადგამდნენ კიბეს და პანიკის გარეშე უნდა დაგვეტოვებინა თვითმფრინავი. ბორტზე დამწვრის სუნი ვიგრძენით და როცა ვერტმფრენიდან ჩამოვედით, კვამლიც შევნიშნეთ. სხვადასხვა ვერსიები გვესმოდა, მათ შორის საწვავი ჟონავდაო, მაგრამ საწვავი რომ ყოფილიყო ალბათ, ავფეთქდებოდით.

უკვე სამ საათზე მეტია ვიცდით აეროპორტში, მე დორტმუნდში გადაჯდომა მიწევდა, მაგრამ უკვე დავაგვიანე ჩემს რეისზე. ასეთი ბევრია. ეს პერიოდი რაც ვიცდით, თვითმფრინავის შეკეთება მიმდინარეობდა, ახლა მოვიდნენ და მგზავრებს გამოგვიცხადეს, რომ იმავე თვითმფრინავით გვიშვებენ, რომელსაც ტექნიკური პრობლემა შეექმნა და რომლითაც ლამის ჩამოვვარდით. მგზავრების ნაწილს უნდა, რომ გაფრინდეს, თუმცა მეორე ნაწილს გარისკვა არ უნდა, შიშობენ თვითმფრინავს ცაშიც არ შეექმნას პრობლემა“, - განაცხადა „ვიზეარის“ მგზავრმა.

"ვიზეარის" თვითმფრინავი, რომელიც დორტმუნდის მიმართულებით მიფრინავდა, ქუთაისის აეროპორტში ავარიულად დაეშვა.

"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს

დიდ დიღომში ახალგაზრდა ბიჭის ცხედარი იპოვეს

დადიანზე ავარიის დროს გარდაცვლილი ქალი „ინტერპრესნიუსის“ თანამშრომელი იყო