იტალიის შს მინისტრმა მაფიოზისთვის ჩამორთმეული ვილის აუზში მედიის წინ იბანავა - "ეს ბატონები საცვლების ამარა უნდა დავტოვოთ“

კადრები, სადაც ჩანს, რომ იტალიის შს მინისტრი მაფიოზისთვის ჩამორთმეული ვილის აუზში ბანაობს, ყველა დასავლურმა მედიასაშუალებამ გაავრცელა. მატეო სალვინმა ჟურნალისტებით გარშემორტყმულ აუზში მაფიის მიმართ დაუნდობელი ბრძოლის სადემონსტრაციოდ იცურავა.

„ესოშიეითიდ პრესის“ ინფორმაციით, ვილა ტოსკანაში მდებარეობს.

იტალიელი პროკურორები დიდი ხნის განმავლობაში იბრძვიან კრიმინალებისთვის უკანონოდ მითვისებული ქონების ჩამოსართმევად, მათ შორის არის ფერმები, სახლები, სასტუმროები და რესტორნები.

„ეს ბატონები მხოლოდ საცვლების ამარა უნდა დავტოვოთ,“ - განაცხადა სალვინიმ მაფიის წევრებისთვის ქონების ჩამორთმევის შესახებ საუბრისას.