მღვიმიდან ყველა ფეხბურთელი ამოიყვანეს - ჟურნალისტები ოფიციალურ განცხადებას ელოდებიან
ტაილანდში მაშველებმა დატბორილი გამოქვაბულიდან მიწის ზედაპირზე ბოლო, მე-12-ე მოზარდი და საფეხბურთო გუნდის მწვრთნელი ამოიყვანეს. ამის შესახებ ადგილობრივი ტელეარხი Spring News და ამერიკული CBS იუწყებიან.
ინფორმაციის გადამოწმებას ამ დრომდე ცდილობენ BBC და CNN.
ამასთან, ცოტა ხნის წინ ტაილანდის სამაშველო სამსახურმა "ფეისბუქზე" გამოაქვეყნა პოსტი, სადაც წერია, რომ "გარეული ტახების" სრული შემადგენლობა მალე ერთად იქნება. BBC-ს ვარაუდით, განცხადება ყველა ფეხბურთელის ევაკუაციას შეიძლება ადასტურებდეს.
გამოქვაბულის შესასვლელთან მყოფი ჟურნალისტები "ტვიტერზე" წერენ, რომ ტერიტორია დატოვეს სასწრაფო სამედიცინო დახმარების მანქანებმა და ვერტმფრენებმა, რასაც ადგილზე შეკრებილი მედიის წარმომადგენლები და მოხალისეები ტაშითა და ოვაციებით შეხვდნენ.
სავარაუდოდ, მღვიმიდან დღეს ამოყვანილი ბიჭები უკვე საავადმყოფოში იმყოფებიან.
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
