მოდელმა ანა ახვლედიანმა ჯვარი დაიწერა - ულამაზესი წყვილის ფოტოები საგურამოდან

მოდელმა ანა ახვლედიანმა ჯვარი დაიწერა - ულამაზესი წყვილის ფოტოები საგურამოდან

მოდელმა ანა ახვლედიანმა ჯერ კიდევ მაისში გამოაქვეყნა სოციალურ ქსელში ფოტოები საპატარძლო კაბით. მაშინვე გავრცელდა ხმები, რომ მან და მისმა რჩეულმა გიორგი ბერაიამ იქორწინეს. თუმცა სავარაუდოდ, მაშინ მხოლოდ ფოტოსესია იყო, გუშინ კი წყვილმა საგურამოს ეკლესიაში დაიწერა ჯვარი.

ამის შესახებ ინფორმაციას საკუთარი ფეისბუქის გვერდზე ფოტოგრაფი – ლიკა გაბუნია ავრცელებს... ლიკა გაბუნია ჯვრისწერის დეტალებზე mshoblebi.ge-სთან საუბრობს:

- მე ივენთ ფოტოგრაფი ვარ… ზუსტად 1 წელია აქტიურად ვიღებ ძირითადად ქორწილებს. საგურამოს ეკლესიაში ჯვრისწერას გადასაღებად ვიყავი ჩასული, ოღონდ - არა ანასი. როცა გადაღებას მოვრჩით და ფოტოსესიაზე წასვლა დავაპირეთ, მაშინ შემოანათა ანამაც ტაძარში, გადავწყვიტე მათთვის ტელეფონით გადამეღო რამდენიმე კადრი, მერე გავედი, ძალიან მეჩქარებოდა, მელოდებოდნენ, თუმცა შევნიშნე რომ 2 წუთი კიდევ მქონდა დრო, მინდოდა ამ ულამაზესი წყვილისთვის კიდევ გადამეღო ფოტოები. ამიტომ შევბრუნდი უკან და ისევ გადავიღე რამდენიმე კადრი. როცა ფოტო ჩემს გვერდზე ავტვირთე და მათი მონიშვნა ვითხოვე, აღმოჩნდა, რომ ის ცნობილი მოდელი, ულამაზესი ანა ახვლედიანი იყო და კიდევ ერთხელ ვინანე, რომ მისთვის უფრო მეტი ფოტოების გადაღება ვერ მოვასწარი. ანა და გიგი ბოლო ერთი წელია ხვდებიან ერთმანეთს და ერთ-ერთ ულამაზეს წყვილად მიიჩნევიან.

დაათვალიერეთ წყვილის ჯვრისწერის ფოტოები

სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე

"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე

„თბილისური ჩუქურთმა“ - იმპრესიონისტი მხატვრის გამოფენა, რომელიც თბილისობას ეძღვნება