კიმ ჩენ ინი ლოქოს საწარმოში - ბედნიერი დიქტატორის ფოტოებს ჩრდილოეთ კორეა ავრცელებს

ჩრდილოეთ კორეის ლიდერის კიმ ჩენ ინის ფოტოები მედიაში იშვიათად ვრცელდება და მაშინაც, მათი გავრცელების წყარო, ძირითადად ჩრდილოეთ კორეაა. ამჯერად, ადგილობრივმა სახელმწიფო მედიასაშუალებებმა გაავრცელეს ფოტოები, რომელზეც ლოქოს საწარმოში მისული დიქტატორია ასახული.

კიმ ჩენ ინმა თევზის საწარმო მეუღლესთან, რი სოლ-ჯუსთან ერთად დაათვალიერა. ფოტოებზე ჩანს, როგორ ათვალიერებს თეთრებში გამოწყობილი, შლაპიანი კიმ ჩენ ინი საწარმოს. მას საწარმოს წარმომადგენლებმა სრული პროცესი აჩვენეს - თევზის მოშენებით დაწყებული, დაკონსერვებით დასრულებული.