ავტორი:

ხიდის ჩანგრევის შედეგად იტალიაში, სავარაუდოდ, ათობით ადამიანია დაღუპული - ფოტოები ტრაგედიის ადგილიდან

ხიდის ჩანგრევის შედეგად იტალიაში, სავარაუდოდ, ათობით ადამიანია დაღუპული - ფოტოები ტრაგედიის ადგილიდან

ძლიერი ქარიშლის შედეგად იტალიაში საავტომობილო ხიდი ჩაინგრა. CNN-ის ინფორმაციით, ამის შესახებ იტალიის პოლიცია წერს.

მორანდის ხიდი საპორტო ქალაქ გენუას დასავლეთით მდებარეობს. ჩანგრეული ხიდის ვიდეოკადრები იტალიის პოლიციამ გაავრცელა.

ადგილზე მობილიზებული არიან მეხანძრეები. CNN წერს, რომ ჯერჯერობით არ არის ცნობილი, იყვნენ თუ არა ხიდზე მანქანები ჩამონგრევის დროს.

სააგენტო Adnkronos კი სამედიცინო სამსახურის წარმომადგენლებზე დაყრდნობით ათეულობით ადამიანის დაღუპვის შესახებ იუწყება.

„ინციდენტის მასშტაბები დიდია. დაღუპულია ათეულობით ადამიანი, მათ შორის ისინი, ვინც ხიდიდან გადავარდა და ნანგრევების ქვეშ აღმოჩნდა“, - განაცხადა სამედიცინო სამსახურის წარმომადგენელმა.

იტალიის ტრანსპორტის მინისტრმა დანილო ტონინელიმ „ტვიტერზე“ განაცხადა, რომ მოხდა „საშინელი ტრაგედია“. ადგილზე სამაშველო სამსახურები მუშაობენ. ნანგრევებიდან ამ ეტაპზე მხოლოდ ორი ადამიანია გამოყვანილი.

მორანდის ხიდის დიზაინერი იტალიელი რიკარდო მორანდია. ხიდის მშენებლობა 1968 წელს დასრულდა.

ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა

მაქმანებიანი შავი კაბა და ულამაზესი საყურე -  ქეით მიდლტონი მუსიკალურ წარმოდგენაზე  შეუდარებლად გამოიყურებოდა

"საქართველოში მორიგი ფერადი რევოლუცია არ შედგა" - რას წერს რუსული მედია თბილისში მიმდინარე პროცესებზე