ავტორი:

რას წერენ ზუზუ ბეჟაშვილის მეგობრები და კოლეგები მსახიობის შესახებ - "მოგვენატრები, მაგრამ მჯერა მანდ უკეთ იქნები!"

რას წერენ ზუზუ ბეჟაშვილის მეგობრები და კოლეგები მსახიობის შესახებ - "მოგვენატრები, მაგრამ მჯერა მანდ უკეთ იქნები!"

მსახიობი ზაზა (ზუზუ) ბეჟაშვილი დოლიძის ქუჩაზე, საცხოვრებელი სადარბაზოს ლიფტში გარდაცვლილი იპოვეს. მსახიობი 40 წლის იყო. შინაგან საქმეთა სამინისტროს ცნობით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

მსახიობის გარდაცვალების შესახებ სოციალურ ქსელში გამოთქვამენ სამძიმარს მისი მეგობრები და ნაცნობები:

მომღერალი ქრისტინე მარტიაშვილი: "რამდენი რამის თქმა მინდა... როგორ გატკინეთ! სიტყვები მოდის და იყინება, წერის უფლებას არ მაძლევს, თავს დამნაშავედ ვგრძნობ, ემის სიმღერას რომ ვმღერი, სულ შენ მახსენდები... დარწმუნებული ვარ, მანდ შეხვდები და მაგრად "გააფრენთ"... მოგვენატრები, მაგრამ მჯერა, მანდ უკეთ იქნები!"

მსახიობი ანდრია გველესიანი: "არ ვიცი რა ვთქვა... ძალიან ძალიან მეწყინა, შენნაირი კეთილი, თავისუფალი და პოზიტიური ადამიანის უდროოდ წასვლა... გვიყვარხარ და მოგვენატრები.. უფალმა გაანათლოს შენი სული"

იხილეთ ვიდეო: ზუზუს გადასვენების კადრები დოლიძის ქუჩიდან, სადაც მსახიობი გარდაცვლილი იპოვეს

ტელეწამყვანი ნანუკა ჟორჟოლიანი: "ჩემი მეგობარი მიყვებოდა, როგორ რთულად იყო ზუზუ. თურმე, საჯაროდ ითხოვდა დახმარებას, რომელიც ალბათ მეც, თქვენთან ერთად ვნახე და გავატარე. როგორ აგროვებდა ქირის ფულს, როგორ უნდოდა ჰქონოდა როლები, დეპრესიის და ალკოჰოლის გარეშე. ვერაფერი გავაკეთეთ. ჩვენი “პრობლემების” ფონზე, სხვისი სირთულეებისთვის ვერ მოვიცალეთ. ჰოდა, თუ დახმარებას გთხოვთ, ჩემი პოსტები არ გაატაროთ და არ მომცეთ სიკვდილის უფლება. აქ, ფოტო უნდა იდოს, გატეხილი გულით, ცრემლით, მაგრამ მირჩევნია იდოს ჩემი ბოდიში, იმიტომ რომ მეც შემეძლო რაღაცის შეცვლა".

PR-მენეჯერი სალომე ლილუაშვილი: "რანაირები ვართ ადამიანები - ვითომ სოციალურები, კაიტიპები. ვაზიარებთ ჩვენს სიხარულს - როგორ ვმოგზაურობთ, როგორ მივაღწიეთ წარმატებას კარიერაში თუ როგორ გაგვიმართლა შვილებსა და სიყვარულში და ამ დროს, შენს მეგობარს, რომელსაც აღარ გაუმართლა, ვინ იცის, რა ტკივა, რა აწუხებს. ვხედავთ, რომ რაღაც ისე არ არის, მაგრამ ახლა სხვისთვის არ გვცალია, ხვალ, ზეგ, მერე მივხედავთ. ხვალ აღარ იქნება. ან, ვინ იცის, რა იქნება. დიდი ხანია, ასე არავის სიკვდილი არ მტკენია. უბედური ბიჭი იყო ზუზუ, გზააბნეული, სულ რომ თვალებში გიყურებდა. ბოლოს რომ ვნახე, არ მეცალა, არავის ეცალა. იქნებ, რა უნდოდა..."

დიზაინერი ლიკა ყაზბეგი: "ჩვენი საყვარელი ზუზუ... ერთი წლის წინ, საერთო ნათესავის სამძიმარზე გავიგეთ, რომ ვენათესავებოდით ერთმანეთს. გული მომიკვდა, შენ ხომ ყველას უყვარდი. ასე მარტო, ასე საცოდავად რატომ ზუზუ... ასე რატომ გაიმეტე შენი თავიც და ჩვენც".

"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს

დიდ დიღომში ახალგაზრდა ბიჭის ცხედარი იპოვეს

დადიანზე ავარიის დროს გარდაცვლილი ქალი „ინტერპრესნიუსის“ თანამშრომელი იყო