პარიზში მამაკაცმა, რომელიც ყვიროდა "ალაჰუ აკბარ", ორი ადამიანი მოკლა

პარიზის გარეუბანში თავდასხმა მოხდა, BBC-ს ინფორმაციით, დანით შეიარაღებულმა პირმა ორი ადამიანი დაჭრა, რომლებიც მიყენებული ჭრილობების გამო გარდაიცვალნენ. პოლიციამ თავდამსხმელი მოკლა.

სამართალდამცველებმა თავდამსხმელს მას შემდეგ გაუხსნა ცეცხლი, რაც უცნობი პირი მათ მოკვლით დაემუქრა, ამასთან, არაბულად ყვიროდა „ალაჰუ აკბარ“.

ინციდენტი ვერსალთან ახლოს მოხდა, უბანში, რომელიც ცნობილია ძალადობრივი დანაშაულებებით. სხვადასხვა დროს აღნიშნული მუსულმანური დასახლებიდან 50-მა ადამიანმა დატოვა საფრანგეთი და სირიასა და ერაყში „ისლამური სახელმწიფოს“ რიგებში საბრძოლველად გაემგზავრნენ.