ავტორი:

ჩინეთში ნახევარ მილიონამდე ადამიანი ჩაკეტეს და მკაცრი კარანტინი გამოაცხადეს

ჩინეთში ნახევარ მილიონამდე ადამიანი ჩაკეტეს და მკაცრი კარანტინი გამოაცხადეს

ჩინეთში, დედაქალაქ პეკინთან ახლოს ქალაქი ანქსინი ჩაკეტეს და მკაცრი კარანტინი გამოაცხადეს. ამის შესახებ BBC წერს. ქალაქში დაახლოებით 400 000 ადამიანი ცხოვრობს.

კარანტინის გამოცხადება ჰებეის პროვინციაში კორონავირუსის შემთხვევათა ზრდას უკავშირდება, თუმცა შემთხვევების რაოდენობა საგანგაშო არ არის. როგორც ჯანდაცვის სისტემის წარმომადგენლები აცხადებენ, ჩინეთი ცდილობს, რომ ვირუსის მეორე ტალღა თავიდან აიცილოს და რამდენიმე ინფიცირებულის გამოვლენის შემთხვევაშიც კი მკაცრ ზომებს მიმართავს.

BBC-ის ცნობით, ოფიციალურმა პირებმა კვირას განაცხადეს, რომ ქალაქი ანქსინი სრულად დაიკეტებოდა და გაკონტროლდებოდა. საცხოვრებელი სახლის დატოვების უფლება მხოლოდ აუცილებელ მუშაკებს აქვთ. სხვა შემთხვევაში კი,ოჯახის მხოლოდ ერთ წევრს აქვს უფლება სახლი დატოვოს მაღაზიაში ჩასასვლელად.

ანქსინი პეკინის სამხრეთ ნაწილთან 150 კმ-თაა დაშორებული. ადგილობრივი ეპიდემიოლოგები ოპტიმისტურად არიან განწყობილები და მიიჩნევენ, რომ ვირუსის შეჩერებას შეძლებენ.

აღსანიშნავია, რომ გასული დღე-ღამის განმავლობაში ოფიციალური მონაცემებით, ჩინეთში კორონავირუსის 12 ახალი შემთხვევა გამოვლინდა. სააგენტო "როიტერსის“ ცნობით, ახალი შემთხვევებიდან 7 ადგილობრივი გავრცელების შედეგია და ყველა მათგანი პეკინში დაფიქსირდა.

11 ივნისიდან დღემდე პეკინში 311 ადამიანია დაინფიცირებული. სწორედ ამ პერიოდში გაჩნდა ე.წ. ბაზრის კლასტერი. რაც შეეხება ქალაქ ანქსინს, როგორც ცნობილია, იქ ბოლო ორ კვირაში 18 ახალი შემთხვევა გამოვლინდა.

ჩინეთში, საერთო ჯამში, კორონავირუსის 83 512 შემთხვევაა დადასტურებული, აქედან 4 634 პაციენტი გარდაიცვალა.

ახალი ინფორმაცია COVID-19-ის ვაქცინების შესახებ - ვაქცინაციაჩატარებულ მოხალისეებს, ვირუსის საწინააღმდეგო ანტისხეულები გამოუმუშავდათ

"უარესი ჯერ კიდევ წინ არის... პანდემიის ტემპი იზრდება" - ჯანმოს ხელმძღვანელი

ჩინეთში ახალი ტიპის ვირუსი აღმოაჩინეს - მეცნიერების ვარაუდით, მას შეუძლია გლობალური დაავადება გამოიწვიოს