ჯონ მაკკეინმა ტვინის სიმსივნეზე მკურნალობა შეწყვიტა, დაავადება სწრაფად პროგრესირებს

ამერიკელი სენატორი, 81 წლის ჯონ მაკკეინი ტვინის სიმსივნეზე მკურნალობას წყვეტს, „ინდეფენდენთის“ ინფორმაციით, განცხადება ამის შესახებ სენატორის ოჯახმა გაავრცელა. ისინი აღნიშნავენ, რომ დაავადება სწრაფად პროგრესირებს და მაკკეინის ასაკიდან გამომდინარე, სიმსივნესთან ბრძოლა წარუმატებელია.

ჯონ მაკკეინს ტვინის სიმსივნის აგრესიული ფორმა გასული წლის ივლისში დაუდგინეს. ის მაიოს კლინიკაში მკურნალობდა, კალიფორნიაში, სახლთან ახლოს.

სენატორის ოჯახი მადლობას უხდის ყველას, ვინც მთელი წლის განმავლობაში მაკკეინის ჯანმრთელობაზე ზრუნავდა - მის მეგობრებს, ათასობით ადამიანს, „ვინც მისთვის ლოცულობს“.

ჯონ მაკკეინი ავადმყოფობის დროს უამრავმა ადამიანმა მოინახულა, მათ შორის პოლიტიკოსებმა - ყოფილმა ვიცე პრეზიდენტმა ჯო ბაინდენმა, სენატორმა ლინდსი გრემმა.

განცხადება გაავრცელა ჯონ მაკკეინის ცოლმაც, სადაც ასევე ყველას მადლობას უხდის, ვინც ოჯახის გვერდით დგას და აღნიშნავს, რომ ქმარი ძალიან უყვარს.