"მაკკეინმა სიცოცხლეშივე განსაზღვრა მის დაკრძალვაზე დამსწრე სტუმრების სია, რომელშიც დონალდ ტრამპი არ მოხვდა"
ამერიკელმა სენსატორმა ჯონ მაკკეინმა ჯერ კიდევ საკუთარ სიცოცხლეში განსაზღვრა იმ სტუმრების სია, რომლებიც მის დაკრძალვას უნდა დაესწრონ. აღნიშნულ სიაში თითქმის ყველა გავლენიანი ამერიკელი პოლიტიკოსი მოხვდა, აშშ-ს პრეზიდენტის დონალდ ტრამპის გარდა.
შეგახსენებთ, რომ ტელეარხმა NBC News-მა სენატორის გარემოცვაზე დაყრდნობით ჯერ კიდევ 6 მაისს გაავრცელა ინფორმაცია, რომ "რესპუბლიკელ" სენატორს ჯონ მაკკეინს, რომელიც კიბოს ებრძოდა, არ სურდა, მისი დაკრძალვის ცერემონიას აშშ-ს პრეზიდენტი დონალდ ტრამპი დასწრებოდა, თუმცა სურდა, რომ მის დაკრძალვაზე აშშ-ს ვიცე-პრეზიდენტი მაიკ პენსი მისულიყო.
წყაროს ინფორმაციით, მაკკეინის სურვილი იყო, ასევე, დაკრძალვის ცერემონიაზე, რომლის ჩატარება სავარაუდოდ, ვაშინგტონის საკათედრო ტაძარში იგეგმება, ყოფილი პრეზიდენტები - ბარაკ ობამა და ჯორჯ ბუში უმცროსი სიტყვით გამოვიდნენ.
შეგახსენებთ, ამერიკელი სენატორი, ვიეტნამის ომის გმირი ჯონ მაკკეინი 81 წლის ასაკში გარდაიცვალა. როგორც მისი ოჯახის მიერ გავრცელებულ მოკლე განცხადებაშია აღნიშნული, ჯონ მაკკეინი შაბათს დაიღუპა. სენატორი 2017 წლის ივლისიდან უმძიმეს დაავადებას - ტვინის სიმსივნეს ებრძოდა და იმ პერიოდიდან მოყოლებული მკურნალობის კურსს გადიოდა.
წაიკითხეთ ასევე: "დღეს ჩვენ ყველანი ქართველები ვართ" - რას ამბობდა ჯონ მაკკეინი აგვისტოს ომის დროს
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
