დღის კარიკატურა: როგორ აგებენ თბილისში გზებს

თბილისელებისთვის ორშაბათი მძიმედ დაიწყო. სააკაძის მოედნის მიმდებარე ქუჩების რეაბილიტაციის გამო, დილიდან საბურთალოზე გადაადგილება თითქმის შეუძლებელი გახდა.

მძღოლებსა და მგზავრებს საცობში დგომა დაახლოებით 2 საათი უწევდათ. მგზავრები და მძღოლები შიშობენ, რომ ვითარება კიდევ უფრო გაუარესდება, როდესაც სკოლებსა და უნივერსიტეტებში სასწავლო წელი დაიწყება.

მძღოლები ქალაქის გზებზე არსებულ მდგომარეობას უპასუხისმგებლობას უწოდებენ და ამბობენ, რომ ვითარება უარესი გახდება რამდენიმე დღეში, როცა სასწავლო წელი დაიწყება.

იმავეს ამბობენ ექსპერტებიც, რომლებიც რეაბილიტაციის დროის გაწელვაში ხედავენ პრობლემას. დავით მესხიშვილის თქმით, ქუჩების რეაბილიტაციისთვის არასწორი დრო შეარჩიეს, რადგან ივნისის მეორე ნახევარიც კარგი იქნებოდა.

"ქუჩების რეაბილიტაცია არა მარტო საცობებს, არამედ სხვა ბევრ პრობლემას ქმნის, მათ შორის არის მტვერი, საგანგებო სიტუაციისა და სასწრაფოს მანქანებს გადაადგილება უჭირთ და ა.შ. ამიტომ კარგი იქნება, თუ სამუშაოები დროში არ გაიწელება და დროულად დასრულდება. თორემ სექტემბრის შუა რიცხვებიდან პრობლემები კიდევ უფრო გამწვავდება" - გვითხრა მესხიშვილმა.

ასევე დაგაინტერესებთ: "ახლა 2 საათი ვართ საცობში, სწავლა რომ დაიწყება, მერე 4 საათი მოგვიწევს" - პარალიზებული მოძრაობა თბილისში და უკმაყოფილო მძღოლები

ვიდეო: კახეთის გზატკეცილზე გზის რეაბილიტაცია 6 თვეა მიმდინარეობს: ნახეთ ერთადერთი მოქმედება, რომელიც ამ მონაკვეთზე 48 საათის განმავლობაში განხორციელდა