ავარია გარდაბანში - "ფორდ ტრანზიტის" მარკის ავტომობილი განათების ბოძს შეეჯახა (ფოტოები)

გარდაბანში "ფორდ ტრანზიტის" მარკის ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავიდა და განათების ბოძს შეეჯახა. მომხდარის შედეგად არავინ დაშავებულა. როგორც Ambebi.ge-ს შინაგან საქმეთა სამინისტროს პრესსამსახურში განუცხადეს, "ფორდ ტრანზიტის" მძღოლი ადმინისტრაციულ სამართალდარღვევათა კოდექსის 125-ე მუხლის მეათე ნაწილით დაჯარიმდა, რაც 250 ლარიან ჯარიმას ითვალისწინებს.

შემთხვევის ამსახველი ფოტოები "ფეისბუქზე" ინტერნეტმომხმარებელმა შოთა ჯაფარიძემ გაავრცელა