რა ხდება დღეს ნიუსრუმში?

"ნიუსრუმი" - ტელეკომპანია "პალიტრანიუსის" ახალი გადაცემაა, რომელიც ორშაბათიდან პარასკევის ჩათვლით, 12:45 საათზე აქტუალურ თემებს წარმოგიდგენთ.

დღეს, 6 სექტემბერს "ნიუსრუმის" ჟურნალისტები ამ თემებზე მუშაობენ:

• თბილისი ფაქტობრივად ყოველდღიურად იცვლება, ყოველდღე ვხვდებით ახალ-ახალ შენობებს ქალაქის სხვადასხვა უბანში, ქაოტური მშენებლობა კი წლებია გადაუჭრელ პრობლემად რჩება.

სეისმოლოგები და მშენებლობის ექსპერტები ახალ საფრთხეებზე ალაპარაკდნენ - რა შეიძლება მოხდეს, თუ მაგალითად, თბილისში მიწისძვრა მოხდება? რამდენად სეისმომდგრადია ახლად აშენებული კორპუსები - "პალიტრანიუსის" ჟურნალისტი ქრისტინე გამთენაძე მუშაობდა ამ თემაზე.

• მაშინ როცა ჩვენ საქართველოში შენობების მდგრადობას ვარკვევთ, იაპონელები პირდაპირი და გადატანითი მნიშვნელობით შორს წავიდნენ - იაპონელი მეცნიერები კოსმოსური ლიფტის შექნას აპირებენ.

ლიფტმა, თეორიულად დედამიწა და კოსმოსური სადგური უნდა დააკავშიროს ერთმანეთს. რამდენად რეალისტურია ეს ექსპერიმენტი? - allnews.ge-ს ჟურნალისტი სალომე აბულაშვილი მუშაობდა ამ თემაზე

• კოსმოსური სადგურიდან კვლავ დედამიწაზე გადმოვინაცვლოთ, კონკრეტულად კი ყაზახეთში, სადაც "ნიუსრუმის" კიდევ ერთი საიტის sportall.ge-ს ჟურნალისტი გალაკტიონ ესაკია იმყოფება.

სპორტის მოყვარულები კარგად მიხვდებით, რაზეა საუბარი - დღეს საქართველოს საფეხბურთო ნაკრები ყაზახეთის ნაკრებს დაუპირისპირდება. ყაზახეთისა და საქართველოს საფეხბურთო ნაკრებთა დაპირისპირება თბილისის დროით 18:00 საათზე დაიწყება. დეტალებით ასტანადან გალაკტიონ ესაკია.

ფოტო: დაკოტა